اسلام آباد (ڈیسک) سپریم کورٹ کے حکم پر صحافی اور اینکر پرسن ارشد شریف کے قتل کا مقدمہ درج کرلیا گیا۔ عدالتی حکم پر تھانہ رمنا اسلام آباد میں ارشد شریف قتل کیس کی ایف آئی آر درج کی گئی۔ سرکار کی مدعیت میں درج مقدمہ میں وقار احمد، خرم احمد اور طارق وصی کو نامزد کیا گیاہے۔ سپریم کورٹ نے ارشد شریف کے کینیا میں قتل کے از خود نوٹس کیس کی سماعت کے موقع پر آج رات تک واقعے کی ایف آئی آر درج کرنے کا حکم دیا تھا۔ یاد رہے کہ صحافی ارشد شریف کو کینیا میں 22 اور 23 اکتوبر کی درمیانی شب گاڑی میں جاتے ہوئے کینین پولیس نے فائرنگ کرکے قتل کردیا تھا۔