ابو ظہبی (ڈیسک)متحدہ عرب امارات کی ریاست ابو ظہبی کی فوجداری عدالت نے بھارت کے 13 شہریوں کے خلاف منی لانڈرنگ کا جرم ثابت ہونے پر قید اور جرمانے کی سزا سنا دی۔
الامارات الیوم کے مطابق ملزمان متعلقہ اداروں سے پرمٹ حاصل کیے بغیر سیلز پوائنٹس کے ذریعے کریڈٹ سہولتیں فراہم کرکے منی لانڈرنگ کررہے تھے۔
ابوظہبی کی عدالت نے حاضر 4 افراد اور دیگر مفرور ملزمان کو 5 سے لے کر 10 سال تک قید کی سزا سنائی ہے،ان کے قبضے سے برآمد ہونے والی 510 ملین درہم کی رقم ضبط کرنے، سزا یافتگان کو قید کاٹنے کے بعد امارات سے بے دخل کرنے، 5سے 10 ملین درہم کے جرمانوں اور متعلقہ کمپنیوں پر 10ملین درہم جرمانے کی سزائیں سنائی ہیں۔