You are currently viewing بلاول کو پیغام دیا ہے کہ بھٹو بنیں زرداری نہ بنیں، شیخ رشید

بلاول کو پیغام دیا ہے کہ بھٹو بنیں زرداری نہ بنیں، شیخ رشید

لاہور (ڈیسک)وفاقی وزیر ریلوے شیخ رشید کا کہنا ہے کہ بلاول کو پیغام دیا ہے کہ بھٹو بنیں زرداری نہ بنیں اور عمران خان کی حکومت میں امریکی صدر ڈونلڈ ٹرمپ بھی پاکستان کا دورہ کریں گے، جبکہ شہباز شریف نے حکومت سے این آر او مانگا ہے۔

لاہور میں پریس کانفرنس کے دوران وزیر ریلوے شیخ رشید نے کہا کہ رواں سال ملک میں 20ٹرینوں کااضافہ کریں گے،  نجی شعبےکےتعاون سےمزید2فریٹ ٹرینیں تیارکررہےہیں، فریٹ ٹرینیں آگئیں توریلوےترقی کرےگا، اس کے علاوہ 7 بڑےریلوے اسٹیشنزکی تعمیرنو بھی کرنے جارہے ہیں۔ وفاقی وزیر نے کہا میں امریکی صدرڈونلڈٹرمپ کو مستقبل میں پاکستان کادورہ کرتےدیکھ رہاہوں، امریکا  کوافغان مسئلے پر عمران خان کا سیاسی تجزیہ سمجھ آگیا ہے، ہم آئی ایم ایف کی شرائط نہیں مان رہے بلکہ وہ شرائط مان رہےہیں جوملکی مفادمیں ہو۔

شیخ رشید نے کہا مجھے بلاول کی فکر ہے کہ اس کے ساتھ کیا ہوگا، بلاول کوسیاست کرنی ہےتووہ بھٹوبنیں، زرداری نہ بنیں، آصف زرداری نےبےنظیرکی موت کاسیاسی فائدہ اٹھایا،  زرداری نے بےنظیرکی وصیت کواپنےمقصدکیلیےاستعمال کیا، اس وقت ملک میں جو صورتحال ہے اس کے ذمے دارنوازشریف اور زرداری ہیں۔

وزیر ریلوے نے کہا شہبازشریف جتنا مرضی کوشش کرلیں انہیں این آر او نہیں ملے گا، حلف اٹھاتا ہوں کہ میں جھوٹ نہیں بولتا چاہے وزیر رہوں یا نہ رہوں، میرا پبلک اکاؤنٹس کمیٹی میں جانا لازمی ہے۔ میں نےپی اے سی کی رکنیت کیلیےباقاعدہ درخواست دی ہے، آئین اورقانون کےتحت کوئی پبلک اکاؤنٹس کمیٹی کارکن بننےسےنہیں روک سکتا، یہ کہتے تھے اگلی اسمبلی میں شیخ رشید نہیں ہوگا میں ہوں اور آرہا ہوں پی اے سی میں۔ شیخ رشید نے کہا  شہبازشریف باقی معاملات کا آڈٹ کریں، میں ان کےمعاملات کا آڈٹ کروں گا، تحریک انصاف اپنے کس رکن کا نام واپس لیتی ہے یہ ان کا مسئلہ ہے میں اس وقت پارلیمنٹ میں سب سے زیادہ سینئر اور تجربہ کار ہوں۔

Staff Reporter

Rehmat Murad, holds Masters degree in Literature from University of Karachi. He is working as a journalist since 2016 covering national/international politics and crime.